venkatesh: ఉలిక్కిపడేలా చేసిన మెగా హీరో .. మల్టీ స్టారర్ మూవీలో ఆయన లేనట్టేనా?
- అనిల్ రావిపూడి దర్శకత్వంలో 'ఎఫ్ 2'
- ఇది మల్టీ స్టారర్ మూవీ
- ఒక హీరోగా వెంకటేశ్
- వరుణ్ తేజ్ మాటలతో అయోమయం
అనిల్ రావిపూడి దర్శకత్వంలో 'ఎఫ్ - 2' అనే మల్టీ స్టారర్ మూవీ తెరకెక్కనుందనే వార్త కొన్ని రోజులుగా షికారు చేస్తోంది. ఈ సినిమాలో వెంకటేశ్ ఒక కథానాయకుడిగా చేయనుండగా, మరో హీరోగా వరుణ్ తేజ్ ను ఎంపిక చేసుకున్నట్టుగా టాక్ వచ్చింది. ఈ సినిమాలో వరుణ్ తేజ్ సరసన కథానాయికగా మెహ్రీన్ ను తీసుకున్నట్టుగా ప్రచారం జరుగుతోంది.
తాజాగా వరుణ్ తేజ్ మాట్లాడుతూ, 'తొలిప్రేమ' తరువాత తాను ఏ దర్శకుడికి గ్రీన్ సిగ్నల్ ఇవ్వలేదని చెప్పాడు. ఏ ప్రాజెక్టును తాను ఓకే చేయలేదని అన్నాడు. నెక్స్ట్ ప్రాజెక్టు ఏదైనా ఓకే అనుకోగానే ముందుగా తానే చెబుతానని మరీ స్పష్టం చేశాడు. దాంతో ఇప్పటివరకూ ఈ సినిమాలో వరుణ్ తేజ్ చేస్తాడని అనుకున్న వాళ్లంతా ఆశ్చర్యపోతున్నారు. మరి నిర్మాత దిల్ రాజు .. అనిల్ రావిపూడి కలిసి వరుణ్ తేజ్ ను ఒప్పిస్తారా? లేదంటే మరో హీరోను చూసుకుంటారా? అనేది చూడాలి.
