virushka: విరుష్క ముంబై రిసెప్షన్కి రంగం సిద్ధం.. జ‌ర‌గ‌బోయేది ఇక్క‌డే!
- సెయింట్ రెజీస్ హోటల్లో రిసెప్షన్
- రాత్రి 8:30కి ప్రారంభం
- హాజ‌రుకానున్న క్రికెట్‌, బాలీవుడ్ ప్ర‌ముఖులు
ఇటలీలో పెళ్లి, ఆల్ఫ్స్‌లో హానీమూన్‌, ఢిల్లీలో రిసెప్షన్ పూర్త‌య్యాక త‌మ రెండో రిసెప్షన్ కోసం విరుష్క జంట ఏర్పాట్లు చేస్తోంది. ముంబైలో డిసెంబ‌ర్ 26న జ‌ర‌గ‌నున్న ఈ రిసెప్షన్ కేవ‌లం క్రికెట్‌, బాలీవుడ్ ప్ర‌ముఖుల కోస‌మే. ప్రతిష్ఠాత్మ‌క సెయింట్ రెజీస్ హోట‌ల్లోని ఆస్ట‌ర్ బాల్‌రూంలో ఈ వేడుక జ‌ర‌గ‌నుంది. రాత్రి 8:30 గం.ల‌కి ఈ రిసెప్షన్ ప్రారంభం అవుతుంది. ఈ వేడుక‌కు కొంత‌మంది పారిశ్రామిక వేత్త‌లు కూడా హాజ‌రుకానున్న‌ట్లు తెలుస్తోంది.
లోయ‌ర్ పారెల్ ప్రాంతంలో ఉన్న సెయింట్ రెజీస్ హోట‌ల్లోనే జహీర్ ఖాన్‌, సాగ‌రికల రిసెప్షన్ కూడా జ‌రిగింది. వీరి రిసెప్షన్కి అనుష్క-విరాట్‌లు హాజరైన సంగ‌తి తెలిసిందే.
