KTR: కేటీఆర్ పై ప్రశంసల జల్లు కురిపించిన పరుచూరి గోపాలకృష్ణ
- ఇన్నాళ్లు పోరాట యోధునిగా, యువ నేతగానే తెలుసు
- ఇప్పుడు విశ్వవిజ్ఞానఖనిలా కనిపించారు
- మీ భాషణం అనితరసాధ్యం
తెలంగాణ మంత్రి కేటీఆర్ పై ప్రముఖ సినీ రచయిత పరుచూరి గోపాలకృష్ణ ప్రశంసల జల్లు కురిపించారు. జీఈఎస్ సదస్సులో జరిగిన కార్యక్రమంలో కేటీఆర్ సమన్వయకర్తగా వ్యవహరించిన సంగతి తెలిసిందే. తన మాటతీరుతో ఇవాంకాతోపాటు అక్కడున్న ఆహూతులందరినీ కేటీఆర్ మైమరిపించారు. ఈ నేపథ్యంలో కేటీఆర్ ను ప్రశంసల్లో ముంచెత్తారు గోపాలకృష్ణ.
"కేటీఆర్ గారు, ఇన్నాళ్లు రాజకీయ పోరాట యోధునిగా, యువ నేతగానే తెలిసిన మీరు... నిన్నటి జీఈఎస్ సదస్సులో విశ్వవిజ్ఞానఖనిలా కనిపించారు. అభినందనలు. మీ భాషణం అనితరసాధ్యం", అంటూ పరుచూరి గోపాలకృష్ణ ట్వీట్ చేశారు.
@KTRTRS గారు, ఇన్నాళ్లూ రాజకీయ పోరాట యోధునిగా, యువ నాయకునిగా తెలిసిన మీరు, నిన్న #GES2017 ప్రపంచ వ్యాపారసదస్సులో విశ్వవిజ్ఞానఖనిలా కనిపించారు! అభినందనలండి! మీ భాషణం అనితరసాధ్యం
