seethakka: అందుకే అంద‌రం క‌లిసి కాంగ్రెస్ పార్టీలో చేరాం: విజయరమణారావు, సీత‌క్క
- టీఆర్ఎస్ పార్టీ మెడ‌లు వంచి, ఆ పార్టీ నేత‌లను అధికారం నుంచి త‌ప్పిస్తాం
- ప్ర‌జ‌ల కోసం ఒక బ‌ల‌మైన వేదిక కావాలి
- అందుకే తెలంగాణ ఇచ్చిన కాంగ్రెస్‌లోకి వ‌చ్చేశాం.. ఇంకా చాలా మంది వ‌స్తారు
టీఆర్ఎస్ పార్టీ మెడ‌లు వంచి, ఆ పార్టీ నేత‌లను అధికారం నుంచి త‌ప్పిస్తామ‌ని అందుకోస‌మే తాము కాంగ్రెస్ పార్టీలో చేరామ‌ని విజ‌య రమణారావు అన్నారు. ఈ రోజు ఢిల్లీకి వెళ్లి కాంగ్రెస్ పార్టీలో చేరిన నేత‌లంతా అనంత‌రం మీడియాతో మాట్లాడారు. ఈ సంద‌ర్భంగా విజయరమణారావు మాట్లాడుతూ.. వ‌చ్చే ఎన్నిక‌ల అనంత‌రం క‌చ్చితంగా కాంగ్రెస్ పార్టీ ప్ర‌భుత్వం ఏర్ప‌డుతుంద‌ని వ్యాఖ్యానించారు. ప్ర‌జ‌లు కాంగ్రెస్ పార్టీకే ఓటువేయాల‌ని అనుకుంటున్నారని చెప్పారు. రాబోయే కాలంలో ఇంకా చాలా మంది కాంగ్రెస్‌లో చేర‌తార‌ని అన్నారు.
ఈ సంద‌ర్భంగా కాంగ్రెస్‌లో చేరిన సీత‌క్క మాట్లాడుతూ టీఆర్ఎస్ నేత‌లు ప్ర‌జాస్వామ్యానికే మ‌చ్చ తెచ్చే విధంగా ప్ర‌వ‌ర్తిస్తున్నార‌ని ఆరోపించారు. ప్ర‌భుత్వ విధానాల‌పై పోరాడతామ‌ని చెప్పారు. తెలంగాణ‌లో టీడీపీని లేకుండా చేయ‌డానికి టీఆర్ఎస్ కుట్ర ప‌న్నిందని అన్నారు. ప్ర‌జ‌ల కోసం ఒక బ‌ల‌మైన వేదిక కావాల‌ని, అందుకే తాము తెలంగాణ ఇచ్చిన కాంగ్రెస్‌లో చేరామ‌ని చెప్పారు.
