raviteja: రవితేజ, రానాలతో ఓ మల్టీ స్టారర్!
- తమిళంలో సూపర్ హిట్ గా నిలిచిన 'విక్రమ్ వేద'
- విజయ్ సేతుపతి - మాధవన్ ల క్రేజ్ పెంచిన మూవీ
- తెలుగు రీమేక్ కోసం సన్నాహాలు
ఈ మధ్య కాలంలో తమిళంలో భారీ విజయాన్ని సొంతం చేసుకున్న చిత్రాలలో 'విక్రమ్ వేద' ఒకటిగా కనిపిస్తుంది. విజయ్ సేతుపతి .. మాధవన్ ప్రధానమైన పాత్రలను పోషించిన ఈ సినిమా అక్కడ ఘన విజయాన్ని సొంతం చేసుకుంది. ఈ ఇద్దరు హీరోల క్రేజ్ ను మరింతగా పెంచేసింది. దాంతో ఈ సినిమాను తెలుగులో రీమేక్ చేయనున్నట్టు వార్తలు వచ్చాయి.
వెంకటేశ్ - రానా కథానాయకులుగా ఈ రీమేక్ తెరకెక్కే అవకాశం ఉందనే టాక్ వినిపించింది. కానీ ఇప్పుడు వెంకటేశ్ ప్లేస్ లో రవితేజ పేరు వినిపిస్తోంది. తమిళంలో విజయ్ సేతుపతి చేసిన పాత్రలో రవితేజ .. మాధవన్ పాత్రలో రానా కనిపించనున్నారని అంటున్నారు. తమిళంలో పుష్కర్ - గాయత్రి దర్శకత్వం వహించిన ఈ సినిమాను, తెలుగులో తెరకెక్కించేదెవరనే విషయంలో స్పష్టత రావలసి వుంది. ఈ ప్రాజెక్టుకు సంబంధించి త్వరలోనే అధికారిక ప్రకటన వెలువడే అవకాశం ఉందని అంటున్నారు.
