వర్మ: టీడీపీ ఎమ్మెల్యే అనితకి వ్యంగ్యంగా సమాధానాలు ఇచ్చిన దర్శకుడు రామ్ గోపాల్ వర్మ!
- ‘లక్ష్మీస్ ఎన్టీఆర్’పై విమర్శలు చేసిన టీడీపీ ఎమ్మెల్యే అనిత
- ఎమ్మెల్యే అనిత అన్న ప్రతి వ్యాఖ్యకు వర్మ క్లుప్తంగా సమాధానం
- చివరికి ‘ఆహా క్లాప్సు విజిల్స్’ అని పేర్కొన్న వివాదాస్పద దర్శకుడు
వివాదాస్పద దర్శకుడు రామ్ గోపాల్ వర్మ తీయనున్న ‘లక్ష్మీస్ ఎన్టీఆర్’పై టీడీపీ ఎమ్మెల్యే అనిత మండిపడ్డ విషయం తెలిసిందే. రాజకీయంగా చంద్రబాబును ఎదుర్కోలేకనే ఈ సినిమా తీస్తున్నారని, జగన్ జీవిత చరిత్రను సినిమా రూపంలో చూపిస్తే ఆయన పాదయాత్ర కూడా చేయలేరని అన్నారు. ఇప్పటికే మంత్రి సోమిరెడ్డి చంద్రమోహన్ రెడ్డికి గట్టిగా సమాధానం ఇచ్చిన రామ్ గోపాల్ వర్మ ఇప్పుడు ఎమ్మెల్యే అనితకి కూడా జవాబు ఇచ్చారు. ఆయన ఫేస్ బుక్ లో రాసుకొచ్చిన వ్యాఖ్యలు యథాతథంగా...
టీడీపీ ఎమ్మెల్యే అనిత గారికి నా సమాధానాలు:
టీడీపీ ఎమ్మెల్యే అనిత: ఎన్టీఆర్ పైన వర్మ తీస్తున్న సినిమాలో చరిత్రను వక్రీకరించవద్దు
వర్మ జవాబు: అనిత గారు, బయట తెలిసిన చరిత్ర వెనుక లోపలి అసలు చరిత్ర చూపించడమే నా అసలు సిసలు ఉద్దేశం
టీడీపీ ఎమ్మెల్యే అనిత: ఎన్టీఆర్ మహానుభావుడు...ఆయన పేదలకు ,ప్రజలకు చేసిన మంచిని వర్మ తన సినిమాలో చూపించాలి.
జవాబు: అనితగారు, ఈ సినిమా బయోపిక్ కాదు.. కేవలం లక్ష్మి పార్వతి గారు ఆయన జీవితంలో ప్రవేశించినప్పటినుంచీ తుది వరకూ
టీడీపీ ఎమ్మెల్యే అనిత: ఎన్టీఆర్ కీర్తికి భంగం కలిగేలా ఎవరు సినిమా తీసినా టీడీపీ కార్యకర్తలు, ఎన్టీఆర్ అభిమానులు చూస్తూ ఊరుకోరు.
జవాబు: అనితగారు, ఇలాంటి వార్నింగ్ లు టీడీపీ పుట్టకముందు నుంచి విని విని విసుగెత్తిపోయాను
టీడీపీ ఎమ్మెల్యే అనిత: రాజకీయంగా చంద్రబాబును ఎదుర్కోలేకే.. వైసీపీ నేతలు లక్ష్మీస్ ఎన్టీఆర్ సినిమా తీస్తున్నట్లు ఉంది..
జవాబు: లోగుట్టు పెరుమాళ్ళకెరుక
టీడీపీ ఎమ్మెల్యే అనిత: చనిపోయిన ఎన్టీఆర్ పైన సినిమా తీసి టీడీపీని ఇబ్బంది పెట్టాలని వైసీపీ నేతలు అనుకుంటే...బ్రతికి ఉన్న జగన్ పైన కూడా సినిమా తీసే వాళ్ళు ఉన్నారు.. జగన్ జీవిత చరిత్ర ప్రజలకు సినిమా రూపంలో చూపిస్తే..ఆయన పాదయాత్ర కూడా చెయ్యలేరు..
జవాబు: అనితగారు, మీరు సూపరు ..నాకు తెలిసి ఇలాంటి స్క్రిప్ట్ ఐడియా షోలే రైటర్ సలీమ్ జావేద్ కి కాని, బాహుబలి రైటర్ విజయేంద్ర ప్రసాద్ గారికి కూడా వచ్చిఉండదు
టీడీపీ ఎమ్మెల్యే అనిత: మహానుభావుల్లో ఉన్న మంచినే తీసుకోవాలి... అదే సమాజహితం
జవాబు: ఆహా.. క్లాప్సు.. విజిల్స్ !!!
