balakrishna: సినిమా కబుర్లు .. సంక్షిప్త సమాచారం!
- 'కుంభకోణం'లో షూటింగ్ పూర్తి చేసుకున్న బాలకృష్ణ
- తన రాజకీయ రంగ ప్రవేశం గురించి త్రిష
- బాలీవుడ్ తెరపైకి మరో రెండు బయోపిక్స్
* బాలకృష్ణ 102వ సినిమా షూటింగ్ కొన్ని రోజులుగా 'కుంభకోణం'లో జరుగుతూ వస్తోంది. సి. కల్యాణ్ నిర్మిస్తోన్న ఈ సినిమా నిన్నటితో అక్కడి షెడ్యూల్ ను పూర్తి చేసుకుంది. నయనతార కథానాయికగా నటిస్తోన్న ఈ సినిమాలో, నటాషా దోషి కీలకమైన పాత్రలో కనిపించనుంది. సంక్రాంతికి ఈ సినిమాను విడుదల చేయనున్నారు.
* రాజకీయాల పట్ల తనకి చాలా ఆసక్తి ఉందనే విషయాన్ని చాలాకాలం క్రితమే త్రిష చెప్పింది. ఈ నేపథ్యంలో తాజా ఇంటర్వ్యూలో .. రజనీ పార్టీలో చేరతారా? .. కమల్ పార్టీలో చేరతారా? అనే ప్రశ్న ఆమెకి ఎదురైంది. వాళ్లిద్దరూ ప్రత్యక్ష రాజకీయాలలోకి వచ్చాక ఏ పార్టీలో చేరతాననేది చెబుతానని త్రిష లౌక్యంగా సమాధానమిచ్చింది.
* బాలీవుడ్ లో బయోపిక్ ల జోరు కొనసాగుతోంది. మ్యాథమెటీషియన్ ఆనంద్ కుమార్ .. క్రికెటర్ కపిల్ దేవ్ జీవిత చరిత్రలను తెరకెక్కించే ఆలోచనలో దర్శక నిర్మాతలు వున్నారు. 'సూపర్ 30' ఆనంద్ కుమార్ పాత్రలో హృతిక్ రోషన్ .. కపిల్ దేవ్ పాత్రలో రణవీర్ సింగ్ నటించనున్నారు.
