Thamanna: సినిమా కబుర్లు... సంక్షిప్త సమాచారం!
* 'స్పెషల్ సాంగ్ అంటే నా దృష్టిలో స్పెషల్ గౌరవం' అంటోంది కథానాయిక తమన్నా. "మామూలుగా స్పెషల్ సాంగ్స్ అంటే అందరిలోనూ కాస్త చిన్న చూపు వుంది. అది తప్పు. హీరోయిన్లకు అది ప్రత్యేక గౌరవం లాంటిది. ఓ మంచి చిత్రానికి ప్రత్యేక గీతం ఎంతో హెల్ప్ అవుతుంది' అని చెప్పింది తమన్నా.
* తాజాగా 'మేడ మీద అబ్బాయి' చిత్రాన్ని చేసిన హాస్య కథానాయకుడు అల్లరి నరేశ్ మరో రెండు కొత్త చిత్రాలకు ఓకే చెప్పాడు. వీటిలో ఒకటి వచ్చే నెలలో మొదలవుతుందని, త్వరలోనే ఈ రెండు సినిమాల వివరాలు తెలియజేస్తానని చెప్పాడు.
* 'మౌనమేలనోయి' ఫేం సచిన్ జోషి నటించిన తాజా చిత్రం 'వీడెవడు'. తాతినేని సత్య దర్శకత్వంలో రూపొందిన ఈ చిత్రాన్ని ఈ నెల 15న విడుదల చేస్తున్నారు. ఇందులో ఈశా గుప్తా కథానాయికగా నటించింది.
* మంచు మనోజ్ హీరోగా అజయ్ ఆండ్రూస్ రూపొందించిన 'ఒక్కడు మిగిలాడు' చిత్రాన్ని వచ్చే నెల 6న రిలీజ్ చేయడానికి ఏర్పాట్లు చేస్తున్నారు. తమిళ వెర్షన్ ను కూడా ఏక కాలంలో రిలీజ్ చేస్తారు.
