ayushman khurana: ఇదేం సినిమా అంటారేమో?
బాలీవుడ్లో కథలు కొత్త పుంతలు తొక్కుతున్నాయి. వీలైతే టైటిల్ తో .. లేదంటే ఎంచుకున్న లైన్ తోనే అంతా ఆ సినిమా గురించి మాట్లాడుకునేలా చేస్తున్నారు. అలా ఇప్పుడు బాలీవుడ్ జనాలు 'శుభ్ మంగళ్ సావధాన్' సినిమా గురించి తెగ మాట్లాడేసుకుంటున్నారు. తమిళ దర్శకుడు ప్రసన్న .. అయుష్మాన్ ఖురానా - భూమి పడ్నేకర్ ప్రధాన పాత్రలుగా హిందీలో ఈ సినిమాను తెరకెక్కిస్తున్నాడు.
ఈ సినిమాలో హీరో .. హీరోయిన్ ప్రేమించుకుంటారు. ఇద్దరి పెళ్లికి పెద్దలు అంగీకరించి నిశ్చితార్థం జరుపుతారు. ఆ తరువాత హీరోకి అంగస్తంభన సమస్య ఉందనే విషయం హీరోయిన్ కి తెలుస్తుంది. అయినా ఆయన్నే పెళ్లి చేసుకోవడానికి సిద్ధపడుతుందట. బాలీవుడ్లో ఇలాంటి ప్రయత్నాలు సహజమే అయినా, టాలీవుడ్ .. కోలీవుడ్ జనాలు మాత్రం .. "ఓరి దేవుడా.. ఇదేం సినిమా"? అంటారేమో!
