nani: 'మిడిల్ క్లాస్ అబ్బాయి' టెన్షన్ పడుతున్నాడా?
ఎప్పటికప్పుడు సరికొత్త కథలతో ప్రేక్షకులను పలకరిస్తూ .. విజయాలను సొంతం చేసుకుంటూ నాని ముందుకెళ్తున్నాడు. అలా ఆయన ప్రస్తుతం 'మిడిల్ క్లాస్ అబ్బాయి' సినిమా చేస్తున్నాడు. వేణు శ్రీరామ్ దర్శకుడిగా వ్యవహరిస్తోన్న ఈ సినిమాలో, సాయిపల్లవి కథానాయికగా నటిస్తోంది. దిల్ రాజు నిర్మిస్తోన్న ఈ సినిమా, యూత్ ను .. ఫ్యామిలీ ఆడియన్స్ ను దృష్టిలో పెట్టుకుని తెరకెక్కిస్తున్నారు.
ముందు నుంచి కూడా ఈ సినిమాను డిసెంబర్ 21వ తేదీన విడుదల చేయాలనే ఆలోచనలో వున్నారు. అయితే డిసెంబర్ 22న చరణ్ మూవీ .. అఖిల్ మూవీ రానున్నట్టు వార్తలు వినిపిస్తున్నాయి. బడ్జెట్ పరంగా .. తారాగణం పరంగా ఈ రెండు సినిమాలు పెద్దవే కావడంతో నాని టెన్షన్ పడుతున్నాడట. ఆయన ఈ పోటీని ఎదుర్కొంటాడా? మరో విడుదల తేదీని వెతుక్కుంటాడా? అనేది ఆసక్తికరంగా మారింది.
