ntr: 'జై లవకుశ' ఆడియో రిలీజ్ కి ముహూర్తం ఖరారు!
ఎన్టీఆర్ కథానాయకుడిగా బాబీ దర్శకత్వంలో 'జై లవ కుశ' సినిమా తెరకెక్కుతోంది. ప్రస్తుతం ఈ సినిమా షూటింగ్ పూణేలో జరుగుతోంది. గతంలో 'రామ్ లీలా' షూటింగ్ జరుపుకున్న భవనంలోనే ఈ సినిమా షూటింగ్ జరుగుతోంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను తెరకెక్కిస్తున్నారు.
ఈ సినిమాకి దేవిశ్రీ ప్రసాద్ సంగీతాన్ని అందించాడు. దాంతో ఆ బాణీలను వినడానికి అభిమానులు ఆసక్తిని చూపుతున్నారు. ఈ నేపథ్యంలో ఆడియో వేడుకకి ముహూర్తం ఖరారు చేశారు. వచ్చేనెల 12వ తేదీన హైదరాబాద్ లో ఘనంగా ఈ వేడుకను నిర్వహించడానికి సన్నాహాలు చేస్తున్నట్టు చెబుతున్నారు. సెప్టెంబర్ 21న ఈ సినిమాను భారీ స్థాయిలో విడుదల చేయనున్నారు.
