: రేషన్ కిరోసిన్ ధరను రూ. 2 పెంచిన తెలంగాణ ప్రభుత్వం!
తెలంగాణలో ఆహార భద్రత పథకం కింద రేషన్ షాపుల ద్వారా పంపిణీ చేసే కిరోసిన్ ధరను లీటరుకు రూ. 2 పెంచుతూ తెలంగాణ ప్రభుత్వం అంతర్గత సర్క్యులర్ జారీ చేసినట్టు తెలుస్తోంది. సెప్టెంబర్ కోటా కోసం డీలర్లు చెల్లించే డిపాజిట్లలో ఈ మొత్తాన్ని అదనంగా చెల్లించాలని అధికారుల నుంచి ఆదేశాలు జారీ అయినట్టు సమాచారం. ప్రస్తుతం రేషన్ షాపుల ద్వారా లీటరుకు రూ. 15పై కిరోసిన్ విక్రయిస్తున్న సంగతి తెలిసిందే. ఈ నెల నుంచి లీటరు ధర రూ. 17కు పెరగనుంది. కాగా, గ్యాస్ కనెక్షన్ ఉంటే ఒక్కో కార్డుపై లీటర్ కిరోసిన్, గ్యాస్ లేకుంటే రెండు లీటర్ల కిరోసిన్ ఇస్తున్న సంగతి తెలిసిందే. కిరోసిన్ ధర పెంపుపై అధికారిక ప్రకటన వెలువడాల్సివుంది.
