: న‌టుడు గోవిందా నాపై విజ‌యం సాధించ‌డం కోసం దావుద్ ఇబ్రహీం సాయం తీసుకున్నాడు: ఉత్తరప్రదేశ్ గవర్నర్
బాలీవుడ్ న‌టుడు గోవిందా గ‌తంలో త‌న‌పై ఎన్నికల్లో విజ‌యం సాధించ‌డానికి దావూద్ ఇబ్రహీం సాయం తీసుకున్నాడ‌ని ఉత్తరప్రదేశ్ గవర్నర్ రామ్ నాయక్ ఇటీవ‌లే ఆవిష్క‌రించిన ఓ పుస్త‌కంలో పేర్కొన్నారు. 2004 ఎన్నికల్లో బీజేపీ త‌ర‌ఫున లోక్‌స‌భ స్థానం కోసం రామ్ నాయక్ పోటీకి దిగిన‌ప్పుడు కాంగ్రెస్ పార్టీ నుంచి బ‌రిలోకి దిగిన త‌న ప్ర‌త్య‌ర్థి గోవిందా చేతిలో 11 వేల ఓట్ల తేడాతో ఓడిపోయారు. అయితే ఆ గెలుపు కోసం గోవిందా అండర్ వరల్డ్ డాన్ దావుద్ ఇబ్రహీంతో పాటు బిల్డర్ హితేన్ థాకూర్ ల సాయం తీసుకున్నార‌ని రామ్ నాయక్ పేర్కొన్నారు. త‌న నియోజ‌క‌వ‌ర్గ ప్ర‌జ‌ల‌కు ఎన్నో మంచి ప‌నులు చేసిన‌ప్ప‌టికీ తాను పరాజయం పాలయ్యానని, త‌న ప్య‌త్య‌ర్థి గోవిందా.. దావుద్ ఇబ్రహీం, బిల్డర్ హితేన్ థాకూర్ ల సాయంతో గెలుపొందార‌ని చెప్పారు. అయితే తాను మాత్రం ఎన్నికల్లో ఎవ‌రి సాయం తీసుకోలేద‌ని వివ‌రించారు.
