: 2019లో వస్తున్నా...ఎన్నికల్లో పోటీ చేస్తా: పవన్ కల్యాణ్
2019 ఎన్నికల్లో జనసేన పోటీ చేస్తుందని పవన్ కల్యాణ్ స్పష్టం చేశారు. ఏపీకి ప్రత్యేక హోదా కోసం పోరాడుతానని ఆయన స్పష్టం చేశారు. విభజన సమస్యల మీద తాను పోరాడుతానని ఆయన తెలిపారు. పోరాటంలో దిగితే సాధించి తీరుతానని ఆయన అన్నారు. తానేం చేయాలో తనకు తెలుసని, దానిని సాధించేందుకు ఇప్పటి నుంచే ప్రణాళికలు వేసుకుంటున్నానని ఆయన చెప్పారు. విత్తనం వేయగానే పళ్లు, కాయలు రావని ఆయన చెప్పారు. రాజకీయాల్లో ఏం చేసినా చెప్పి చేస్తానని ఆయన తెలిపారు. ప్రజల గొంతు వినిపించాలనేదే తన తపన అని ఆయన అన్నారు. తాను విజయం సాధిస్తానా? లేదా? అన్నది తరువాత అని, ప్రయత్నలోపం లేకుండా శాయశక్తులా పోరాటం మాత్రం చేస్తానని ఆయన చెప్పారు.
