: చికెన్ ఆరగించడంలో పోటీపడిన ప్రియాంకా చోప్రా!
బాలీవుడ్ నుంచి హాలీవుడ్ కు వెళ్లిన డస్కీ బ్యూటీ ప్రియాంకా చోప్రా అమెరికాలోని ఓ టెలివిజన్ షోలో చికెన్ ను ఓ పట్టుపట్టింది. 'క్వాంటికో' సీరియల్ ద్వారా అశేషమైన అభిమానులను సంపాదించుకుని ప్రస్తుతం ఆమె 'బేవాచ్' సినిమాలో నటిస్తున్న సంగతి తెలిసిందే. ఈ నేపథ్యంలో ప్రియాంక హాలీవుడ్ ప్రముఖ కమెడియన్ జిమ్మీ ఫాలన్ హోస్ట్ చేస్తున్న 'టునైట్ షో'లో సందడి చేసింది. ఈ సందర్భంగా పలు విషయాలను అభిమానులతో పంచుకున్న ప్రియాంక చోప్రా...జిమ్మీతో చికెన్ తినడంలో పోటీ పడింది. ఈ సందర్భంగా చికెన్ వింగ్స్ ను ఓ పట్టుపట్టిన ప్రియాంక ప్రత్యర్థి జిమ్మీని ఓడించింది. ఈ వీడియోను టునైట్ షో నిర్వాహకులు యూట్యూబ్ లో పెట్టగా, దీనికి విశేషమైన ఆదరణ లభిస్తోంది.
