: నన్ను నిత్యం చావకొట్టేవారు: ‘బంగ్లా’ క్రికెటర్ పై బాలిక ఆరోపణలు
తనను వేధించారంటూ బంగ్లాదేశ్ క్రికెటర్ షాదత్ హుస్సేన్ పై ఒక బాలిక ఫిర్యాదు చేసింది. షాదత్ ఇంట్లో పనిచేసే ఆ బాలిక పేరు మహఫుజా అక్తర్ . ముద్దు పేరు హ్యాపీ, వయస్సు పదకొండు సంవత్సరాలు. హ్యాపీ సంరక్షణ బాధ్యతలను ఆమె అమ్మమ్మ చూసుకుంటుంది. షాదత్ ఇంట్లో హ్యాపీని పనికి కుదిర్చింది ఆమె అమ్మమ్మే. అయితే, షాదత్ కుటుంబ సభ్యులు కర్రలతో, వంట సామగ్రితో నిత్యం తనను చావగొట్టేవారని ఆ బాలిక పేర్కొంది. ఈ బాధ భరించలేక ఒక రోజున ఆ ఇంట్లో నుంచి పారిపోయానని చెప్పింది. హ్యాపీ ముఖంపై గాయాల ఆనవాళ్లే కాకుండా, ఒక కన్ను పూర్తిగా వాచిపోయి ఉంది. ఆ బాలికను గమనించిన ఒక జర్నలిస్టు ఆమెను ఆసుపత్రికి తీసుకువెళ్లి చికిత్స చేయించాడు. ఈ విషయం బాలల హక్కుల సంఘాలకు తెలియడంతో వారు రంగంలోకి దిగారు. ప్రస్తుతం హ్యాపీ స్వచ్ఛంద సంస్థ సంరక్షణలో ఉంది. కాగా, క్రికెటర్ షాదత్, ఆయన భార్యపై పోలీసులు కేసు నమోదు చేసి దర్యాప్తు చేస్తున్నారు.
