: మళ్లీ ఉపవాస దీక్షల్లో ప్రధాని నరేంద్ర మోదీ... నవంబర్ 22 దాకా ఒంటి పూట భోజనమేనట!
_7712.jpg)
ప్రధాని నరేంద్ర మోదీ మళ్లీ ఉపవాస దీక్షలను ప్రారంభించారు. చాతుర్మాస దీక్షల్లో భాగంగా గడచిన నెల నుంచే మోదీ ఒంటి పూట భోజనాలతోనే గడుపుతున్నారు. గతేడాది అమెరికా పర్యటనలో భాగంగా వైట్ హౌస్ లో ఆ దేశాధ్యక్షుడు బరాక్ ఒబామా, మోదీ కోసం భారీ విందు ఇచ్చారు. అయితే చాతుర్మాస దీక్షల కారణంగా మోదీ కేవలం మంచినీటితోనే ఆ విందును ముగించారు. తాజాగా అమెరికా పర్యటన సమయంలోనే మోదీ చాతుర్మాస దీక్షల్లో ఉండటం గమనార్హం. నెల క్రితమే దీక్షలు చేపట్టిన మోదీ, నవరాత్రుల్లో కేవలం మంచి నీటిని మాత్రమే తీసుకుంటారు. ఈ దీక్షలు నవంబర్ 22న ముగుస్తాయట. గడచిన పదేళ్ల నుంచి మోదీ చాతుర్మాస దీక్షలను నిష్టగా పాటిస్తున్నారు.
