: ఏమి'టీ' మధుర రుచి.... కారణమేంటి?
చైనాలో ఓ తేయాకు సంస్థ తమ వ్యాపారాన్ని పెంచుకోవడానికి సరికొత్త టెక్నిక్ ను అవలంబించి విజయవంతమైంది. చైనాలో అత్యంత డిమాండున్న తేయాకులో ఈ సంస్థ టాప్-2కు ఎగబాకింది. ఇంతకీ ఈ సంస్థ టెక్నిక్ ఏంటో తెలుసా? అమ్మాయిల నోటితో తేయాకును కోయించడమే. కేవలం వివాహం కాని అమ్మాయిలను మాత్రమే తేయాకు సేకరించేందుకు ఈ కంపెనీ ఎంపిక చేస్తుంది. వీరు తేయాకు తోటల్లో ఆకులను చేత్తో తాకకుండా నోటితో సేకరించి, మెళ్లో వున్న బుట్టలో వేస్తారట. ఆకులు వేసుకునే బుట్టను కూడా తాకకుండా తోటల నుంచి వీటిని తీసుకువస్తారట. అమ్మాయిల అధరాలు తగలబట్టే ఆ టీ మరింత రుచిగా ఉంటోందని భావిస్తున్న చైనీయులు ఎగబడి కొంటున్నారట. ఈ సంస్థ తయారు చేస్తున్న టీకి చైనాలో చాలా డిమాండ్ ఉంది. కాగా, చైనాలో 'పాండా డంగ్' అనే పేరిట అమ్ముడవుతున్న టీ పొడి అమ్మకాల విషయంలో నంబర్ వన్ గా ఉంది.
