: పుణే ఫిల్మ్ ఇన్ స్టిట్యూట్ విద్యార్థుల లేఖకు స్పందించిన రాహుల్

---

పుణేలోని ఫిల్మ్ అండ్ టెలివిజన్ ఇన్ స్టిట్యూట్ (ఎఫ్ టీఐఐ) విద్యార్థులు రాసిన లేఖకు కాంగ్రెస్ ఉపాధ్యక్షుడు రాహుల్ గాంధీ స్పందించారు. ఎఫ్ టీఐఐకి గజేంద్ర చౌహాన్ ను చైర్మన్ గా ఎంపిక చేయడం పట్ల విద్యార్థులు కొంతకాలంగా ఆందోళన చేస్తున్నారు. ఈ విషయంపై స్పందించాలంటూ ఫిల్మ్ ఇన్ స్టిట్యూట్ విద్యార్థులు రాహుల్ గాంధీకి లేఖ రాశారు. దీనిపట్ల సానుకూలంగా స్పందించిన రాహుల్ గాంధీ విద్యార్థులకు మద్దతివ్వాలని నిర్ణయించుకున్నారు. ఈ క్రమంలో శుక్రవారం పుణే వెళ్లి ఫిల్మ్ ఇన్ స్టిట్యూట్ విద్యార్థులతో ఆయన మాట్లాడనున్నారు.