: పుష్కరాల్లో పాల్గొనేందుకు ధర్మపురికి చేరుకున్న కేసీఆర్

---

గోదావరి పుష్కరాల్లో పాల్గొనేందుకు తెలంగాణ ముఖ్యమంత్రి కేసీఆర్ ప్రత్యేక హెలికాప్టర్ లో కరీంనగర్ జిల్లా ధర్మపురికి చేరుకున్నారు. అక్కడ సీఎంకు స్థానిక నేతలు, అధికారులు స్వాగతం పలికారు. అనంతరం హెలీప్యాడ్ నుంచి అక్కడ హరిత హోటల్ కు కేసీఆర్ వెళ్లారు. ఈ రాత్రికి ఆయన అక్కడే బసచేస్తారు. రేపు ఉదయం 5.45 నిమిషాలకు సీఎం గోదావరిలో ప్రత్యేక పూజలు నిర్వహిస్తారు. తరువాత 6.26 నిమిషాలకు పుష్కర స్నానం చేస్తారు. అనంతరం ఇక్కడి శ్రీ లక్ష్మీ నరసింహ ఆలయంలో సీఎం ప్రత్యేక పూజలు నిర్వహిస్తారు.