: విజయవాడ సిటీ పోలీస్ శాఖ అంబాసిడర్ గా సినీ నటుడు సాయికుమార్
విజయవాడ సిటీ పోలీసు శాఖ బ్రాండ్ అంబాసిడర్ గా ఉండేందుకు సినీ నటుడు సాయికుమార్ అంగీకరించారు. ఇందుకుగానూ నగర పోలీస్ కమిషనర్ ఎ.బి.వెంకటేశ్వరరావు ఆయనకు కృతజ్ఞతలు తెలిపారు. ఈ మేరకు నగర పోలీసు శాఖ రూపొందించిన 'నాలుగో సింహం' యాప్ ను ఈ నెల 21న విడుదల చేస్తారు. కమిషనరేట్ పోలీసులు పలు కార్యక్రమాలను ప్రజల్లోకి తీసుకెళ్లేందుకు సాయికుమార్ అంబాసిడర్ గా వ్యవహరిస్తారని తెలిసింది. 'పోలీస్ స్టోరీ' చిత్రంలో 'కనిపించే మూడు సింహాలు చట్టానికి, న్యాయానికి, ధర్మానికి ప్రతీకలైతే... కనిపించని ఆ నాలుగో సింహమేరా పోలీస్' అన్న డైలాగ్ తో సాయి ఎంతో పాప్యులర్ అయ్యారు. ఆ తరువాత పోలీస్ కథలతో వచ్చిన పలు చిత్రాల్లోనూ ఆయన నటించిన విషయం తెలిసిందే.
