: గన్నవరం చేరుకున్న బాబు... మరికాసేపట్లో మందడం గ్రామానికి
_6422.jpg)
ఆంధ్రప్రదేశ్ ముఖ్యమంత్రి చంద్రబాబు నాయుడు హైదరాబాదు నుంచి ప్రత్యేక విమానంలో గన్నవరం చేరుకున్నారు. ఇక్కడి నుంచి చంద్రబాబుతో పాటు ఆయన సతీమణి భువనేశ్వరి తదితరులు హెలికాప్టర్‌లో గుంటూరు జిల్లా తుళ్లూరు మండలం మందడం గ్రామానికి చేరుకోనున్నారు. ఉదయం 8:49 నిమిషాలకు జరిగే భూమిపూజ కార్యక్రమంలో పాల్గొని, అనంతరం పలు శాస్త్రోక్త కార్యక్రమాల్లో పాల్గొననున్నారు. అనంతరం స్థానిక రైతులను ఉద్దేశించి ఆయన ప్రసంగించనున్నారు. భూమిపూజ కార్యక్రమంలో పాల్గొనేందుకు పలువురు కేంద్ర రాష్ట మంత్రులు, ఎంపీలు, ఎమ్మెల్యేలు మందడం చేరుకున్నారు.
