: వ్యూహాత్మక సంబంధాలపై అమెరికా వర్సిటీలో కవిత ప్రసంగం... నేడు న్యూజెర్సీకి పయనం

---

తెలంగాణ జాగృతి అధ్యక్షురాలు, నిజామాబాదు ఎంపీ కల్వకుంట్ల కవితకు అరుదైన అవకాశం దక్కింది. అమెరికాలోని న్యూజెర్సీ కేంద్రంగా కార్యకలాపాలు సాగిస్తున్న ప్రతిష్ఠాత్మక వర్సిటీ ప్రిన్స్ టన్ లో ఆమె ప్రసంగించనున్నారు. ఇందుకోసం నేటి సాయంత్రం ఆమె అమెరికా బయలుదేరుతున్నారు. ఏప్రిల్ 5 నుంచి 9 దాకా ప్రిన్స్ టన్ వర్సిటీలో ‘‘అంతర్జాతీయ వ్యూహాత్మక సంబంధాలు’’ అనే అంశంపై సదస్సు జరగనుంది. ఈ సదస్సుకు హాజరు కావాలంటూ భారత్ కు చెందిన ఐదుగురు పార్లమెంటు సభ్యులకు ఆహ్వానాలు అందాయి. వీరిలో తెలుగు రాష్ట్రాల నుంచి కవిత ఒక్కరికే ఈ అవకాశం దక్కింది. ఆమెతో పాటు ఎంపీలు పూనమ్ మహాజన్, గౌరవ్ గొగోయ్, కీర్తి ఆజాద్, యశ్వంత్ సింగ్ లు కూడా ఈ సదస్సు నిర్వాహకుల నుంచి ఆహ్వానాలు అందుకున్నారు.