: ప్రచారంలో మోడీ సంచలన రికార్డు
అలుపెరుగని ప్రచారకుడు, భారతీయ జనతాపార్టీని విజయ తీరాలకు చేర్చేందుకు పరిశ్రమిస్తున్న నేత, గుజరాత్ ముఖ్యమంత్రి నరేంద్రమోడీ ప్రచారంలో రికార్డును నమోదు చేయబోతున్నారు. గతేడాది సెప్టెంబర్ 15న నరేంద్రమోడీని పార్టీ తరపున ప్రధాని అభ్యర్థిగా బీజేపీ ప్రకటించింది. అప్పటి నుంచి ఆయన విస్తృత స్థాయిలో పర్యటిస్తూనే ఉన్నారు. తొలుత ఐదు రాష్ట్రాల అసెంబ్లీ ఎన్నికలు, తర్వాత లోక్ సభ ఎన్నికల కోసం ఆయన తన ప్రచారాన్ని నిర్విరామంగా కొనసాగిస్తూ వస్తున్నారు. మే 12న జరిగే చివరి దశ పోలింగ్ ప్రచారం ముగిసే 10వ తేదీ లోపు మోడీ మొత్తం 437 బహిరంగ సభల్లో ప్రసంగించిన నేతగా రికార్డులకు ఎక్కనున్నారు. అలాగే 3లక్షల కిలోమీటర్ల దూరం పర్యటించిన నేతగానూ ఘతన సొంతం చేసుకోనున్నారు. దీనికితోడు 3డీ టెక్నాలజీ ద్వారా 1,350 సభల్లోనూ ఆయన ప్రసంగాలు పూర్తికానున్నాయి. ఇలా మొత్తం 5,983 కార్యక్రమాలలో మోడీ పాల్గొంటారని బీజేపీ వెల్లడించింది.
