: సుప్రీం కోర్టు కొత్త న్యాయమూర్తుల ప్రమాణస్వీకారం
జస్టిస్ సి.నాగప్పన్, జస్టిస్ శివ కీర్తి సింగ్ లు సుప్రీం కోర్టు న్యాయమూర్తులుగా ఈ రోజు ప్రమాణ స్వీకారం చేశారు. సుప్రీం కోర్టులో జరిగిన కార్యక్రమంలో ప్రధాన న్యాయమూర్తి జస్టిస్ పి.సదాశివం వీరిచేత ప్రమాణ స్వీకారం చేయించారు. బీహార్ కు చెందిన జస్టిస్ శివ కీర్తి సింగ్ అలహాబాద్ హైకోర్టు ప్రధాన న్యాయమూర్తిగా విధులు నిర్వహించారు. తమిళనాడుకు చెందిన జస్టిస్ సి.నాగప్పన్ ఒడిశా హైకోర్టు ప్రధాన న్యాయమూర్తిగా పనిచేశారు. వీరిద్దరి నియామకంతో సుప్రీం కోర్టులో మొత్తం న్యాయమూర్తుల సంఖ్య 30కి చేరుకుంది.
