: పూరి జగన్నాథుడిని దర్శించుకున్న రాష్ట్రపతి
భారత రాష్ట్రపతి ప్రణబ్ ముఖర్జీ నేడు పూరీ జగన్నాథుడిని దర్శించుకున్నారు. రెండు రోజుల ఒడిశా పర్యటనలో ఉన్న రాష్ట్రపతి ఈ ఉదయం జగన్నాథుని సేవలో పాల్గొన్నారు. భువనేశ్వర్ కు 55 కిలోమీటర్ల దూరంలో ఉన్న జగన్నాథ క్షేత్రానికి ఉదయం ఏడుగంటలకల్లా ఆయన చేరుకున్నారు. ఆలయాధికారులు ఆయనకు ఘనస్వాగతం పలికారు. స్వామి దర్శనానంతరం రాష్ట్రపతి దీపాలు వెలిగించారని వారు తెలిపారు. అనంతరం గంటసేపు స్వామి సన్నిధిలోనే గడిపారు.
