: నవ్వు చూసి ఆరోగ్యాన్ని చెప్పేయొచ్చు

ప్రతీ ఆరు నెలలకోసారి దంత వైద్యులను కలవడం మంచిది. వయసుతో సంబంధం లేకుండా, చిన్నారుల నుంచి వృద్ధుల వరకూ ఈ సూత్రం వర్తిస్తుంది. సహజంగా భారతీయులకు దంత దావనం (బ్రష్ చేసుకోవడం)పై అంతగా అవగాహన లేదనే చెప్పాలి. ఎందుకంటే నేడు దేశంలో ఎంతో మంది యుక్త వయసులోనే పళ్లు పుచ్చిపోవడమనే సమస్యతో బాధపడుతున్నారు.

రోజులో ఉదయం లేచిన వెంటనే, రాత్రి నిద్రించే ముందు పళ్లు శుభ్రం చేసుకోవాలి. కానీ దీనిని పాటించేవారు చాలా తక్కువ. ఎక్కవ మంది రోజులో ఒక్కసారితోనే సరిపెడతారు. ఫలితంగా తిన్న ఆహార పదార్థాలు పళ్ల సందులలో ఇరుక్కుపోయి... కుళ్లిపోవడంతో బ్యాక్టీరియా వృద్ధి చెందుతుంది. ఫలితంగా అక్కడ పన్ను పుచ్చిపోవడం ప్రారంభమవుతుంది. దీనివల్ల చిగుర్లు కూడా దెబ్బతింటాయి.