క‌రోనా నిర్మూల‌న‌కు రూ.2 ల‌క్ష‌ల విరాళం.. మంత్రి ఎర్రబెల్లికి అందజేసిన దాతలు
నియోజ‌క‌వ‌ర్గంలో వినియోగించాలంటూ మంత్రి ఎర్రబెల్లికి అందచేసిన దాతలు
దాత‌ల‌ను అభినందించిన మంత్రి ఎర్ర‌బెల్లి
క‌రోనా నిర్మూల‌న కోసం పాటు ప‌డుతున్న తెలంగాణ మంత్రి ఎర్ర‌బెల్లి దయాకర్ రావుకి మ‌రికొంద‌రు దాతలు విరాళాలు అంద‌చేశారు. ఇద్ద‌రు దాతలు వేర్వేరుగా చెరో లక్ష రూపాయ‌లు ప్ర‌క‌టించి ఆ విరాళాలను మంత్రి ఎర్రబెల్లికి అంద‌చేశారు. ఆర్యభట్ట విద్యా సంస్థల అధినేత, పాలకుర్తి మండలం ముత్తారం గ్రామానికి చెందిన నరేష్ చంద్ర భారత్ రూ.లక్ష విరాళం మంత్రి ఎర్ర‌బెల్లి దయాకర్ రావుకు అందించారు. అలాగే, తొర్రూరు మండలం వెంక‌టాపురంకు చెందిన కేతిరెడ్డి రంగారెడ్డి &సన్స్ రూ.లక్ష విరాళాన్ని మంత్రికి అంద‌చేశారు. ఈ విరాళాన్ని నియోజ‌క‌వ‌ర్గంలో క‌రోనా నిర్మూల‌న‌కు వినియోగించాల‌ని వారు మంత్రిని కోరారు. విరాళాలు అందచేసిన దాత‌ల‌ను మంత్రి అభినందించారు. ఈ క‌ష్ట‌కాలంలో దాతలు ముందుకు రావాల‌ని, ఎక్క‌డిక‌క్క‌డ పేద‌ల‌ను ఆదుకోవాల‌ని మంత్రి ఎర్ర‌బెల్లి పిలుపునిచ్చారు.
