కష్టాల నుంచి త్వరగా కోలుకునే సామర్థ్యం: రొమ్ము క్యాన్సర్ భయాల మధ్య

మానసిక ఆరోగ్యాన్ని పొందడానికి 5 మార్గాలు

రొమ్ము క్యాన్సర్ ఉన్న ప్రతి 10 మంది రోగులలో 4 గురు

అధిక స్థాయి ఆందోళన లేదా నిరాశను అనుభవిస్తున్నారు.

 
మెటాస్టాటిక్ రొమ్ము క్యాన్సర్ నిర్ధారణ అనేది రోగికి శారీరకంగా, మానసికంగా అపారమైన నష్టాన్ని కలిగిస్తుం ది. పురోగమిస్తున్న, ప్రాణాంతక స్థితితో ముడిపడి ఉన్న అనిశ్చితి, భయం భారం రోగిలో అధిక మానసిక క్షోభకు దారి తీస్తుంది. అయినప్పటికీ, అవసరమైన చోట సహాయం కోరడం మొదలుకొని అధునాతన చికిత్స ఎంపికల వరకు మీ అవసరాలకు అనుగుణంగా మీ ఆందోళనను తగ్గించడంలో మీకు సహాయ పడే వివిధ అంశాలు ఉన్నాయి.


ఈ సందర్భంగా బసవతారకం ఇండో-అమెరికన్ క్యాన్సర్ హాస్పిటల్ (హైదరాబాద్) సీనియర్ కన్సల్టెంట్ మెడిక ల్ ఆంకాలజిస్ట్ డాక్టర్ కృష్ణ మోహన్ ఎంవీటీ మాట్లాడుతూ, “తరచుగా ఆసుపత్రి సందర్శనలు మొదలుకొని వెంట్రుకలు లేదా రొమ్ము తొలగింపు వల్ల కలిగే శారీరక అసాధారణత వరకు, పునరావృతం అవుతుందన్న ఆందోళన లేదా మరణ భయం దాకా - రొమ్ము క్యాన్సర్ చికిత్స తరచుగా రోగుల్లో ఒత్తిడి, ఆందోళనను ప్రేరేపి స్తుంది. అధునాతన రొమ్ము క్యాన్సర్ రోగులలో దాదాపు 60% మందికి కనీసం ఒక లక్ష్య చికిత్స ఎంపిక అందుబాటులో ఉంది. ఈ జ్ఞానాన్ని సముచితంగా ఉపయోగించినప్పుడు, రోగులకు చాలా కాలం పాటు సంప్ర దాయ కీమోథెరపీని నివారించవచ్చు. అధునాతన చికిత్సల జాగ్రత్తగా ఎంపికతో, మేం చాలా మంది రొమ్ము క్యాన్సర్ రోగులకు జీవన నాణ్యత, మనుగడను మెరుగుపరుస్తాం; అధునాతన చికిత్సా పద్ధతుల ద్వారా, రోగులు సంప్రదాయిక చికిత్సల వల్ల కలిగే శారీరక, మానసిక ఒత్తిళ్లను కూడా నివారించవచ్చు’’ అని అన్నారు.

మెటాస్టాటిక్ రొమ్ము క్యాన్సర్‌తో వ్యవహరించేటప్పుడు రోగులు తమ ఒత్తిడి, ఆందోళనను నావిగేట్ చేయగల కొన్ని మార్గాలు ఇక్కడ ఉన్నాయి:

1. మీ కోసం సరైన చికిత్సను ఎంచుకోండి: ప్రతి చికిత్స ఎంపికతో కొన్ని దుష్ప్రభావాలు వస్తాయి. ఉదాహరణకు, కీమోథెరపీ వల్ల జుట్టు రాలిపోయినప్పుడు ఒత్తిడి ఏర్పడుతుంది. అందువల్ల, ఒకరి మానసిక ఆరోగ్యానికి అనుగుణంగా సరైన చికిత్స ప్రణాళికను ఎంచుకోవడం చాలా ముఖ్యం. చికిత్స ఎంపికల గురించి తమ వైద్యుడితో సుదీర్ఘ సంభాషణను కలిగి ఉండటం చాలా ముఖ్యం. తమ మాన సిక శ్రేయస్సుపై ప్రభావాలను తగ్గించడానికి, తమ చికిత్స ప్రక్రియలో రోగులు ఏమి ఆశించవచ్చనే దానిపై దృక్పథాలను అందించడానికి ఉద్దేశించిన చికిత్సలను అర్థం చేసుకోవడంలో ఇది సహాయపడు తుంది.

2. వృత్తిపరమైన మద్దతును కోరండి: ప్రొఫెషనల్ థెరపిస్ట్‌లు లేదా కౌన్సెలర్‌లతో సంభాషించండి. అ ది వ్యక్తిగత అవసరాలకు అనుగుణంగా విలువైన భావోద్వేగ మద్దతు, పోరాట వ్యూహాలను అందించగ లదు. వారు రోగులు తమ భావోద్వేగాలు, భయాలు, అనిశ్చితులను నావిగేట్ చేయడంలో సహాయప డగలరు. భావాలను వ్యక్తీకరించడానికి, ఆరోగ్యకరమైన కోపింగ్ మెకానిజమ్‌లను కనుగొనడానికి సురక్షితమైన స్పేస్ ను అందిస్తారు.

3. సపోర్టు గ్రూప్ లలో చేరండి: ఇలాంటి సవాళ్లను ఎదుర్కొంటున్న ఇతరులతో అనుసంధానం అవడం సాధికారతను, ఓదార్పునిస్తుంది. సహాయక బృందాలు తమ అనుభవాలను పంచుకోడానికి, కోపింగ్ స్ట్రాటజీలను మార్పిడి చేసుకోవడానికి, ఈ ప్రయాణాన్ని నిజంగా అర్థం చేసుకున్న ఇతరుల నుండి ప్రో త్సాహాన్ని పొందేందుకు రోగులకు వీలు కల్పించడం ద్వారా తమ సొంత వారనే భావాన్ని, ఒక విధ మైన అనుబంధాన్ని అందిస్తాయి.

4. ధ్యానాన్ని ప్రాక్టీస్ చేయండి: ఫలితంపై ధ్యాస లేకుండా ఆ క్షణంలో జీవించడమే మైండ్ ఫుల్ నెస్.  మీ శ్వాస, మీ పరిసరాలు, మీ శరీరంపై దృష్టి పెట్టడం ద్వారా మీరు ఒత్తిడి, ఆందోళనను తగ్గించ వ చ్చు. మైండ్‌ఫుల్‌నెస్ టెక్నిక్‌లు మీకు కష్ట సమయాల్లో స్థిరంగా, ప్రశాంతంగా ఉండటానికి సహాయ పడతాయి. మైండ్‌ ఫుల్‌నెస్ మెడిటేషన్, యోగా సాధన చేయండి లేదా మీరు అధికంగా ఒత్తిడికి లో నైనట్లు అనిపిస్తే,  ప్రగాఢ శ్వాసలను తీసుకోడానికి  ప్రయత్నించండి.

5. స్వీయ-సంరక్షణలో నిమగ్నమవండి: ఈ సమయంలో మిమ్మల్ని మీరు శారీరకంగా, మానసికంగా జాగ్రత్తగా చూసుకోవడం చాలా ముఖ్యం. ఆరోగ్యకరమైన ఆహారాన్ని తినండి, తగినంత వ్యాయామాలు చేయండి. తగినంత విశ్రాంతి తీసుకోండి. చదవడం, సంగీతం వినడం లేదా రిలాక్స్ గా స్నానం చేయడం వంటి మీకు మంచి అనుభూతిని కలిగించే విషయాలపై దృష్టి పెట్టండి. స్వీయ-సంరక్షణలో నిమగ్నమవ్వడం మీ మానసిక స్థితిని పెంచడంలో, మీ మొత్తం శ్రేయస్సును మెరుగు పరచడంలో సహాయపడుతుంది.

6. అవగాహనతో ఉండండి కానీ సమాచారం ఓవర్‌లోడ్‌ను నివారించండి: ఒకరికి తమ పరిస్థితి,  చికిత్స ఎంపికల గురించి తెలియజేయడం చాలా అవసరం, కానీ సమాచారాన్ని ఎక్కువగా పొందడం వల్ల ఆందోళన కూడా పెరుగుతుంది. సమతుల్యతను సాధించడం, ప్రసిద్ధ మూలాధారాలు, మీ డాక్టర్ తెలిపే ఆధారాలపై ఆధారపడటం అనేది అనవసరమైన ఒత్తిడిని తగ్గించడంలో సహాయపడుతుంది.

ఎత్తుపల్లాలు ఉన్నా సరే, రొమ్ము క్యాన్సర్‌ను ఎదుర్కోవడం ఒక ప్రయాణం. గుర్తుంచుకోండి, మీ పట్ల మీరు సానుభూతితో ఉండండి, రాబోయే సమస్యలను ముందే భయంకరంగా ఊహించుకోవడం కన్నా...సమస్యలు వచ్చినప్పుడు వాటిని ఎదుర్కోవడంపై దృష్టి పెట్టండి.