నిజామాబాద్‌, 07 ఫిబ్రవరి 2023 : నిజామాబాద్‌లోని ఆకాష్‌ బైజూస్‌ విద్యార్ధి సిద్ధార్థ అన్నె ఇటీవల జరిగిన జాయింట్‌ ఎంట్రెన్స్‌ ఎగ్జామినేషన్‌ (జెఈఈ) మెయిన్‌ 2023 తొలి సీజన్‌లో 99.75 పర్సంటైల్‌ సాధించాడు. ఈ ఫలితాలను నేషనల్‌ టెస్టింగ్‌ సంస్థ నేడు వెల్లడించింది. ఈ సంవత్సరం ఇంజినీరింగ్‌ కోసం నిర్వహించనున్న రెండు ఉమ్మడి ప్రవేశ పరీక్షలలో ఇది మొదటిది.
సిద్దార్ధ కాకుండా మరో ఐదుగురు విద్యార్ధులు 95 పర్సంటైల్‌ మరియు అంతకుమించిన స్కోర్‌ను ప్రతిష్టాత్మక ఇంజినీరింగ్‌ప్రవేశ పరీక్షలో సాఽధించారు.
ప్రపంచంలో అత్యంత కఠినమైన ప్రవేశ పరీక్షగా భావిస్తోన్న ఐఐటీ జెఈఈలో విజయం సాధించేందుకు సిద్ధార్ధ ఆకాష్‌ బైజూస్‌ ఇనిస్టిట్యూట్‌లో చేరాడు. కాన్సెప్ట్‌లను అర్ధం చేసుకోవడంలో తాము పడిన కష్టం, లెర్నింగ్‌ షెడ్యూల్స్‌కు కట్టుబడి ఉండటమే టాప్‌ పర్సంటైల్‌ సాధించిన ఎలైట్‌ జాబితాలో చోటు సంపాదించుకోవడానికి కారణంగా సిద్ధార్థ అభివర్ణించాడు. ‘‘ఆకాష్‌ ఇనిస్టిట్యూట్‌కు నేను ధన్యవాదములు చెబుతున్నాము. వారు నాకు అన్ని విధాలుగా సహాయపడ్డారు. కంటెంట్‌, కోచింగ్‌ పరంగా వారి తోడ్పాటు లేకుండా అతి తక్కువ సమయంలో విభిన్న బోధనాంశాలలో నేను ఎన్నో కాన్సెప్ట్‌లను ఒడిసిపట్టలేను’’అని అన్నాడు.
సిద్ధార్ధను అభినందించిన ఆకాష్‌ బైజూస్‌ రీజనల్‌ డైరెక్టర్‌, శ్రీ ధీరజ్‌ మిశ్రా మాట్లాడుతూ ‘‘అసాధారణ ప్రతిభ కనబరిచిన సిద్దార్ధను అభినందిస్తున్నాను. జెఈఈ మెయిన్‌ 2023 కోసం దేశవ్యాప్తంగా 8.6 లక్షల మంది విద్యార్థులు నమోదు చేసుకున్నారు. పర్సంటైల్‌ టాపర్‌గా అతను సాధించిన విజయం , అతను పడిన కష్టం, అంకితభావం మరియు అతని తల్లిదండ్రులు అందించిన మద్దతు గురించి ఎంతో వెల్లడిస్తుంది. భవిష్యత్‌లో మరిన్ని విజయాలను అతను సాధించాలని ఆకాంక్షిస్తున్నాము’’ అని అన్నారు.
ఐఐటీ–జెఈఈ కోచింగ్‌ను పలు కోర్సు ఫార్మాట్‌లలో హై స్కూల్‌ మరియు హయ్యర్‌ సెకండరీ స్కూల్‌ విద్యార్థులకు ఆకాష్‌ బైజూస్‌ అందిస్తుంది. ఇటీవలి కాలంలో కంప్యూటర్‌ ఆధారిత శిక్షణను అభివృద్ధి చేయడంపై ఆకాష్‌ అధికంగా దృష్టి సారించింది. దీని ఐట్యుటర్‌ రికార్డెడ్‌ వీడియో లెక్చర్స్‌ అందిస్తుంది. ఇది స్వీయ అభ్యాసంకు తోడ్పడటంతో పాటుగా మిస్‌ అయిన లెక్చర్స్‌ను విద్యార్థులు పొందేందుకు సైతం తోడ్పడుతుంది. మాక్‌ టెస్ట్‌లు వాస్తవ పరీక్షల వాతావరణం ప్రతిబింబించడం వల్ల, పరీక్షలను ఎదుర్కోవడంలో విద్యార్థులకు అవసరమైన విశ్వాసం అందిస్తుంది.
