ఇదంతా విష్ణు ఆడుతున్న నాటకమే... నాన్నను నేను వ్యతిరేకించలేదు: మంచు మనోజ్
- తమ కుటుంబంలో ఆస్తుల వివాదాలు లేవన్న మనోజ్
- యూనివర్సిటీలో విద్యార్థులకు జరుగుతున్న అన్యాయంపై తాను ప్రశ్నించానని వెల్లడి
- విద్యార్థులు, తన కుటుంబం కోసమే తన పోరాటమని వ్యాాఖ్య
ఈ సందర్భంగా మీడియాతో మనోజ్ మాట్లాడుతూ... తమ కుటుంబంలో ఆస్తుల వివాదాలు లేవని చెప్పారు. మోహన్ బాబు యూనివర్సిటీలో విద్యార్థులకు జరుగుతున్న అన్యాయంపై ప్రశ్నించినందుకే తన అన్న విష్ణు ఈ రకంగా వ్యవహరిస్తున్నారని అన్నారు. నాన్నను అడ్డం పెట్టుకుని విష్ణు నాటకం ఆడుతున్నారని చెప్పారు. నాన్నను తాను ఎప్పుడూ వ్యతిరేకించలేదని తెలిపారు. విద్యార్థులు, తన కుటుంబం, బంధువుల కోసమే తన పోరాటమని చెప్పారు. తనకు న్యాయం దక్కేంత వరకు పోరాటం ఆగదని స్పష్టం చేశారు.
