Unconcious Woman: జూబ్లీహిల్స్ లో కలకలం... లోటస్ పాండ్ వద్ద అపస్మారక స్ధితిలో యువతి!
- రోడ్డు పక్కన అర్థనగ్నంగా పడి ఉన్న యువతి
- పోలీసులకు సమాచారం అందించిన స్థానికులు
- కనీసం పేరు కూడా చెప్పలేని స్థితిలో యువతి
- ఆసుపత్రికి తరలించిన పోలీసులు
హైదరాబాదులోని జూబ్లీహిల్స్ లోటస్ పాండ్ వద్ద ఓ యువతి అర్ధనగ్నంగా పడి ఉండడం తీవ్ర కలకలం రేపింది. దాదాపు అపస్మారక స్థితిలో ఉన్న ఆ యువతిని గమనించిన స్థానికులు జూబ్లీహిల్స్ పోలీసులకు విషయం తెలియజేశారు. వెంటనే పోలీసులు ఘటన స్థలానికి చేరుకుని, 108 వాహనం ద్వారా ఆ యువతిని ఆసుపత్రికి తరలించారు.
ఆ యువతి తన పేరు కూడా చెప్పలేని స్థితిలో ఉంది. పోలీసులు ఆమెకు సంబంధించిన వివరాలు తెలుసుకునే ప్రయత్నం చేస్తున్నారు. ఆమెపై ఎవరైనా అఘాయిత్యానికి పాల్పడి, రోడ్డు పక్కన వదిలేసి ఉంటారని భావిస్తున్నారు.
