Balakrishna: బాలకృష్ణ@50 స్వర్ణోత్సవ వేడుకల్లో తార‌ల సంద‌డి.. ఫొటోలు ఇవిగో!
- 1974లో సినీ కెరీర్ ప్రారంభించిన బాలయ్య
- బాలకృష్ణ సినీ ప్ర‌స్థానానికి 50 ఏళ్లు పూర్తి
- హైదరాబాద్‌లో నిర్వ‌హించిన గోల్డెన్ జూబ్లీ వేడుక‌లు
- హాజరైన బాలయ్య దర్శకులు, ప‌లువురు సినీ ప్ర‌ముఖులు
నంద‌మూరి బాలకృష్ణ న‌ట ప్ర‌స్థానానికి 50 ఏళ్లు పూర్త‌య్యాయి. 1974లో సినీ కెరీర్ ను ప్రారంభించిన బాలయ్య ఈ ఏడాదితో 50 ఏళ్లు పూర్తి చేసుకున్నారు. ఈ నేపథ్యంలో హైదరాబాద్‌లో ఆదివారం బాలకృష్ణ@50 గోల్డెన్ జూబ్లీ వేడుకను తెలుగు చ‌ల‌న చిత్ర ప‌రిశ్ర‌మ అంగ‌రంగ వైభ‌వంగా నిర్వ‌హించింది.
ఈ కార్యక్రమంలో టాలీవుడ్‌తో పాటు ఇత‌ర చిత్ర ప‌రిశ్ర‌మ‌ల‌కు చెందిన ప్ర‌ముఖులు పాల్గొన్నారు. బాల‌య్య‌తో సినిమాలు చేసిన ప‌లువురు డైరెక్ట‌ర్లు రాఘవేంద్రరావు, కోదండరామిరెడ్డి, బోయపాటి శ్రీను, ఎస్వీ కృష్ణారెడ్డితో పాటు సినీ ప్ర‌ముఖులు చిరంజీవి, వెంక‌టేశ్‌, శివ రాజ్ కుమార్‌, ఉపేంద్ర, రానా, నాని, శ్రీకాంత్‌, గోపిచంద్ త‌దిత‌రులు త‌ర‌లివ‌చ్చారు.
అలాగే బాలకృష్ణ కుటుంబ స‌భ్యులతో పాటు ఏపీ సినిమాటోగ్రఫీ మంత్రి కందుల దుర్గేశ్, పెమ్మసాని చంద్రశేఖర్, ఎంపీ భరత్ కూడా ఈ స్వర్ణోత్సవ వేడుకల్లో పాల్గొన్నారు. ఈ సంద‌ర్భంగా బాల‌య్య‌ను కృష్ణంరాజు స‌తీమ‌ణి శ్యామ‌లా దేవి శాలువాతో స‌త్క‌రించారు.
ఇక ముఖ్య అతిథిగా రావాల్సిన ఏపీ సీఎం చంద్ర‌బాబు నాయుడు రాష్ట్రంలో వ‌ర్షాలు, వ‌ర‌ద‌ల కార‌ణంగా నెల‌కొన్న విప‌త్క‌ర ప‌రిస్థితుల నేపథ్యంలో హాజ‌రుకాలేక‌పోయారు. సోష‌ల్ మీడియా వేదిక‌గా బాల‌య్య‌కు బాబు శుభాకాంక్ష‌లు తెలియ‌జేశారు. ప్ర‌స్తుతం ఈ స్వర్ణోత్సవ వేడుకల తాలూకు ఫొటోలు ప్ర‌స్తుతం నెట్టింట హ‌ల్‌చ‌ల్ చేస్తున్నాయి.
. 