TDP: ఆస్ట్రేలియాలో ఘనంగా టీడీపీ విజయోత్సవాలు... హాజరైన నటుడు శివాజీ
![TDP victory celebrations held in Australia](https://imgb.ap7am.com/thumbnail/cr-20240716tn6696485f4c4be.jpg)
- సార్వత్రిక ఎన్నికల్లో టీడీపీ కూటమి ఘనవిజయం
- ఆస్ట్రేలియాలో ప్రత్యేకంగా వేడుకలు జరుపుకున్న మెల్బోర్న్ టీడీపీ కమిటీ
- 1,100 మంది టీడీపీ కార్యకర్తలు, మద్దతుదారుల హాజరు
ఆస్ట్రేలియాలోని మెల్బోర్న్ నగరంలో టీడీపీ గెలుపు సంబరాలను అంగరంగ వైభవంగా నిర్వహించారు. ఈ కార్యక్రమానికి ముఖ్య అతిథిగా ప్రముఖ సినీ నటుడు శివాజీ హాజరయ్యారు. ఈ సందర్భంగా ఆయన మాట్లాడుతూ... ప్రకటించిన లక్ష ఉద్యోగ అవకాశాలను అమలుపరచాలని ఎన్నారై టీడీపీ తరఫున కోరారు. అలాగే వైసీపీ వాళ్లు సోషల్ మీడియాలో చేసే దుష్ప్రచారాన్ని తిప్పి కొట్టాలని పిలుపునిచ్చారు.
ఈ వేడుకల్లో భాగంగా నిర్వహించిన సాంస్కృతిక కార్యక్రమాలు వీక్షకులను అలరించాయి. దాదాపు 1,100 మంది టీడీపీ కార్యకర్తలు, మద్దతుదారులు ఈ విజయోత్సవ సంబరాలకు హాజరై జయప్రదం చేశారు.
తెలుగుదేశం మెల్ బోర్న్ కమిటీ ఆధ్వర్యంలో ఈ సభను ఘనంగా నిర్వహించారు. మెల్ బోర్న్ టీడీపీ పార్టీ అధ్యక్షుడు లగడపాటి సుబ్బారావు ఆధ్వర్యంలో సభా కార్యక్రమాన్ని నిర్వహించారు.
![](https://img.ap7am.com/froala-uploads/20240716fr6696482fbc80f.jpg)
![](https://img.ap7am.com/froala-uploads/20240716fr6696483cdfe53.jpg)