Pak Female Journalist: లైవ్ రిపోర్టింగ్‌లో పాక్ మహిళా జర్నలిస్టుకు భయంకర అనుభవం.. వీడియో ఇదిగో!
- ఎద్దుల ధరలపై వ్యాపారులతో మాట్లాడిన రిపోర్టర్
- రిపోర్టింగ్ ఇస్తుండగా వెనక నుంచి దాడిచేసిన ఎద్దు
- ఎగిరి అల్లంత దూరాన పడిన మహిళా జర్నలిస్ట్
- వీడియోకు ఇప్పటికే మిలియన్‌కుపైగా వ్యూస్
ఎద్దుల జంట ధరపై స్థానిక వ్యాపారులతో మాట్లాడుతూ లైవ్ రిపోర్టింగ్ చేస్తున్న పాకిస్థానీ మహిళా రిపోర్టర్‌కు ఊహించని అనుభవం ఎదురైంది. రిపోర్టింగ్ ఇస్తుండగా ఓ ఎద్దు ఆమెపై దాడిచేసింది. దీంతో ఆమె అమాంతం ఎగిరిపడింది. ఇందుకు సంబంధించిన వీడియో వైరల్ అవుతోంది. అయితే, ఇది సరిగ్గా ఎక్కడ జరిగిందన్న విషయం తెలియరాలేదు.
వ్యాపారులు ఎద్దుల జంటలను రూ. 5 లక్షల కంటే తక్కువకు అమ్మేందుకు సిద్ధంగా లేరని ఆమె చెబుతుండగానే వెనక నుంచి వచ్చిన ఎద్దు కుమ్మి పడేసింది. ఆమె కేకలు వేస్తూ అంత దూరాన పడింది. చెల్లాచెదురుగా పడిన ఆమె మైక్రోఫోన్, మౌత్‌ను తీసుకొచ్చిన ఓ వ్యాపారి ఆమెకు అందించాడు. గాయపడిన ఆమె అతికష్టంగా లేచి నిలబడింది.
ఈ వీడియోకు ఇప్పటికే మిలియన్‌కు పైగా వ్యూస్ వచ్చాయి. దీనిపై యూజర్లు రకరకాల కామెంట్లు చేస్తున్నారు. లైవ్ రిపోర్టింగ్‌లో ఇదో అకస్మాత్తు పరిణామమని కొందరు కామెంట్ చేశారు. ఫీల్డ్ రిపోర్టింగ్ చేసేటప్పుడు జాగ్రత్తలు తీసుకోవాలని మరికొందరు సలహా ఇచ్చారు.
