Pawan Kalyan: అనకాపల్లిలో నూకాంబిక అమ్మవారిని దర్శించుకున్న పవన్ కల్యాణ్
- ఈ మధ్యాహ్నం నూకాంబిక ఆలయానికి విచ్చేసిన జనసేనాని
- ఆలయ మర్యాదలతో స్వాగతం పలికిన అధికారులు
- అమ్మవారికి అర్చనలు చేసిన పవన్ కల్యాణ్
జనసేనాని పవన్ కల్యాణ్ కు ఏపీ డిప్యూటీ సీఎం పదవి ఖాయం అంటూ ప్రచారం జరుగుతోంది. రాష్ట్ర అసెంబ్లీ ఎన్నికల్లో పవన్ కల్యాణ్ పిఠాపురం నియోజకవర్గం నుంచి భారీ మెజారిటీతో విజయం సాధించడం తెలిసిందే.
పవన్ కల్యాణ్ ఇవాళ అనకాపల్లిలోని నూకాంబిక అమ్మవారి ఆలయాన్ని సందర్శించారు. ఆలయ వర్గాలు జనసేనానికి ఆలయ మర్యాదలతో స్వాగతం పలికారు. అనంతరం, పవన్ నూకాంబిక అమ్మవారిని దర్శించుకుని అర్చనలు చేశారు. ఈ సందర్భంగా అర్చకులు ఆయనకు వేదాశీర్వచనాలు అందించారు. ఆలయ అధికారులు పవన్ కు అమ్మవారి చిత్రపటాన్ని బహూకరించారు.
