BJP: ఆదిలాబాద్ బీజేపీ అభ్యర్థి నామినేషన్‌పై కాంగ్రెస్, బీఎస్పీ అభ్యంతరం
- నామినేషన్ దాఖలులో నగేశ్ నిబంధనలు పాటించలేదంటున్న కాంగ్రెస్
- తమ ఫిర్యాదును ఎన్నికల అధికారి స్వీకరించలేదంటున్న కాంగ్రెస్, బీఎస్పీ
- బరిలో బీఆర్ఎస్ నుంచి ఆత్రం సక్కు, కాంగ్రెస్ నుంచి ఆత్రం సగుణ
ఆదిలాబాద్ లోక్ సభ నియోజకవర్గ బీజేపీ అభ్యర్థి నామినేషన్ ఆమోదంపై కాంగ్రెస్, బీఎస్పీ పార్టీలు అభ్యంతరం తెలిపాయి. ఈ నియోజకవర్గం నుంచి బీజేపీ తరఫున గోడెం నగేశ్ పోటీ చేస్తున్నారు. అయితే ఆయన నామినేషన్ ఆమోదం తెలపడంపై అభ్యంతరాలు వ్యక్తమవుతున్నాయి. నామినేషన్ దాఖలులో నగేశ్ నిబంధనలు పాటించలేదని చెబుతున్నారు. ఈ అంశంపై తమ ఫిర్యాదును ఎన్నికల అధికారి స్వీకరించలేదని ఆరోపిస్తున్నారు. ఆదిలాబాద్ లోక్ సభ స్థానం నుంచి బీజేపీ తరఫున నగేశ్, కాంగ్రెస్ తరఫున ఆత్రం సుగుణ, బీఆర్ఎస్ నుంచి ఆత్రం సక్కు బరిలో ఉన్నారు.
