Shakib Al Hasan: అభిమాని చెంప ఛెళ్లుమనిపించిన బంగ్లాదేశ్ క్రికెట్ కెప్టెన్ షకీబ్ అల్ హసన్

తన అభిమాని చెంప ఛెళ్లుమనిపించిన బంగ్లాదేశ్ క్రికెట్ కెప్టెన్ షకీబ్ అల్ హసన్ వీడియో సోషల్ మీడియాలో వైరల్ అవుతోంది. ఆ దేశ పార్లమెంట్ ఎన్నికల్లో పోటీ చేసిన షకీబ్ ఒకటిన్నర లక్షల ఓట్ల మెజారిటీతో ఘన విజయం సాధించారు. కాగా, ఎన్నికల ఫలితాలు వెలువడటానికి కొన్ని గంటల ముందు ఈ వీడియో వెలుగులోకి వచ్చింది. ఎన్నికల పోలింగ్ రోజున ఈ ఘటన జరిగినట్టు తెలుస్తోంది. పోలింగ్ బూత్ లో ఓటు వేసి వస్తున్న షకీబ్ ను అభిమానులు చుట్టుముట్టారు. ఓ అభిమాని ఆయనను వెనుక నుంచి పట్టుకునే ప్రయత్నం చేశాడు. దీంతో, సదరు అభిమాని చెంపను షకీబ్ ఛెళ్లుమనిపించాడు. ప్రధాని షేక్ హసీనా నేతృత్వంలోని అధికార అవామీ లీగ్ పార్టీ తరపున షకీబ్ పోటీ చేశారు.