Gorantla Madhav: లోక్ సభలోకి చొరబడిన దుండగుడిని చితకబాదిన వైసీపీ ఎంపీ గోరంట్ల మాధవ్.. వీడియో ఇదిగో
![Gorantla Madhav beats man who entered into Lok Sabha](https://imgb.ap7am.com/thumbnail/cr-20231213tn657997c217aed.jpg)
- లోక్ సభ గ్యాలరీ నుంచి దూకి కలకలం రేపిన దుండగులు
- భయంతో పరుగులు తీసిన ఎంపీలు
- ప్రజాస్వామ్యాన్ని కాపాడాలంటూ దుండగుల నినాదాలు
పార్లమెంట్ సమావేశాల వేళ లోక్ సభలోకి దూసుకొచ్చిన ఇద్దరు దుండగులు సభలో కలకలం రేపిన సంగతి తెలిసిందే. సభలో నినాదాలు చేస్తూ టియర్ గ్యాస్ ను వదిలారు. రాజ్యాంగాన్ని కాపాడాలంటూ వీరిద్దరూ విజిటర్ గ్యాలరీ నుంచి సభలోకి దూకారు. ఈ ఘటనతో భయభ్రాంతులకు గురైన ఎంపీలు బయటకు పరుగులు పెట్టారు. మరికొందరు దుండగులను పట్టుకుని చితకబాదారు. వైసీపీ హిందూపురం ఎంపీ గోరంట్ల మాధవ్ కూడా సభలోని బెంచ్ లపై నుంచి దూకుతూ వచ్చి ఒక దుండగుడి వీపుపై పిడిగుద్దులు గుద్దారు.