Bandla Ganesh: కాంగ్రెస్ టికెట్‌పై కూకట్‌పల్లి నుంచి బరిలోకి బండ్ల గణేశ్!
- రాజకీయాల్లో ఇటీవల మళ్లీ యాక్టివ్ అయిన బండ్ల గణేశ్
- గ్రేటర్ హైదరాబాద్‌లో బలమైన సామాజిక వర్గానికి టికెట్ ఇవ్వాలని నిర్ణయం
- పోటీకి ఓకే చెప్పిన బండ్ల గణేశ్!
ప్రముఖ నటుడు, నిర్మాత బండ్ల గణేశ్ కూకట్‌పల్లి నుంచి కాంగ్రెస్ అభ్యర్థిగా బరిలోకి దిగబోతున్నట్టు తెలుస్తోంది. గత ఎన్నికల్లో కాంగ్రెస్‌కు ప్రచారం చేసిన ఆయన ఆ తర్వాత కొంతకాలం రాజకీయాలకు దూరంగా ఉన్నారు. ఇటీవల మళ్లీ క్రియాశీలంగా ఉంటున్న గణేశ్ తరచూ రాజకీయాలపై వ్యాఖ్యలు చేస్తున్నారు.
మరోవైపు, గ్రేటర్ హైదరాబాద్‌లో ఓ టికెట్‌ను బలమైన సామాజిక వర్గానికి ఇవ్వాలని కాంగ్రెస్ భావిస్తోంది. ఈ నేపథ్యంలో బండ్ల గణేశ్ పేరును పరిశీలిస్తున్నట్టు తెలుస్తోంది. ఈ విషయంలో ఇప్పటికే అధిష్ఠానం ఆయనతో మాట్లాడిందని, గణేశ్ కూడా అందుకు అంగీకరించారని పార్టీ వర్గాల సమాచారం.
