KCR: చాతీ ఇన్ఫెక్షన్‌తో బాధపడుతున్న తెలంగాణ సీఎం కేసీఆర్
- ఇటీవల వైరల్ జ్వరం బారినపడిన కేసీఆర్
- చాతీలో బ్యాక్టీరియల్ ఇన్ఫెక్షన్ అయిందన్న కేటీఆర్
- వేగంగా కోలుకుంటున్నారని, ఆందోళన అవసరం లేదన్న మంత్రి
ఇటీవల వైరల్ జ్వరం బారినపడిన తెలంగాణ సీఎం కేసీఆర్‌కు చాతీలో ఇన్ఫెక్షన్ అయింది. ఈ విషయాన్ని మంత్రి కేటీఆర్ వెల్లడించారు. ముఖ్యమంత్రి అల్పాహార పథకం ప్రారంభోత్సవం సందర్భంగా ఓ టీవీ చానల్‌తో మంత్రి మాట్లాడుతూ ఈ విషయం తెలిపారు.
ముఖ్యమంత్రి కేసీఆర్‌కు వైరల్ ఇన్ఫెక్షన్ తర్వాత చాతీలో బ్యాక్టీరియా ఇన్ఫెక్షన్ మొదలైందని పేర్కొన్నారు. ప్రస్తుతం ఆయన ఆరోగ్యంగా ఉన్నారని, ఆందోళన చెందాల్సిన అవసరం లేదని అన్నారు. కోలుకుని త్వరలోనే ప్రజల ముందుకు వస్తారని తెలిపారు.
