Nimmala Rama Naidu: అస్వస్థతకు గురైన టీడీపీ ఎమ్మెల్యే నిమ్మల రామానాయుడు
- చంద్రబాబు అరెస్ట్ తో రాష్ట్రవ్యాప్తంగా టీడీపీ నిరసనలు
- టీడీపీ నేతలను గృహనిర్బంధం చేస్తున్న పోలీసులు
- పాలకొల్లులో నిమ్మల రామానాయుడు ఇంటి వద్ద ఉద్రిక్తత
- తోపులాటలో కిందపడిపోయిన నిమ్మల
టీడీపీ అధినేత చంద్రబాబును సీఐడీ పోలీసులు అరెస్ట్ చేసిన నేపథ్యంలో రాష్ట్రవ్యాప్తంగా టీడీపీ శ్రేణులు నిరసనలు తెలుపుతున్నాయి. టీడీపీ నేతలను పోలీసులు గృహనిర్బంధం చేస్తున్నారు. ఈ క్రమంలో పోలీసులు పాలకొల్లులో టీడీపీ ఎమ్మెల్యే నిమ్మల రామానాయుడు ఇంటివద్దకు చేరుకోవడంతో అక్కడ ఉద్రిక్తత ఏర్పడింది. ఈ సందర్భంగా జరిగిన తోపులాటలో ఎమ్మెల్యే నిమ్మల రామానాయుడు కిందపడిపోయారు. అస్వస్థతకు గురైన ఆయనను ఆసుపత్రికి తరలించేందుకు టీడీపీ కార్యకర్తలు ప్రయత్నించారు. అయితే పోలీసులు అందుకు ఒప్పుకోవడంలేదంటూ వారు మండిపడ్డారు. ఎమ్మెల్యేకి ఏదైనా జరిగితే అందుకు పోలీసులదే బాధ్యత అని హెచ్చరించారు.
