Virat Kohli: టెస్ట్ క్రికెట్ టాప్ 5 ఎలైట్ లిస్ట్ లో విరాట్ కోహ్లీ
- వెస్టిండీస్ తో జరిగిన టెస్ట్ లో 76 పరుగులు చేసిన కోహ్లీ
- టెస్టుల్లో అత్యధిక పరుగులు చేసిన ఐదో భారతీయ బ్యాట్స్ మెన్ గా ఘనత
- జాబితాలో వీరేంద్ర సెహ్వాగ్ ను వెనక్కి నెట్టేసిన విరాట్
వెస్టిండీస్ తో జరిగిన తొలి టెస్టులో టీమిండియా ఇన్నింగ్స్ 141 పరుగుల భారీ తేడాతో ఘన విజయం సాధించింది. మ్యాచ్ కేవలం మూడు రోజుల్లోనే ముగిసిపోయింది. ఈ మ్యాచ్ లో యువ ఆటగాడు జైస్వాల్ 171 పరుగులు చేసి అరంగేట్రంలోనే అదరగొట్టాడు. కెప్టెన్ రోహిత్ శర్మ 103 పరుగులతో మరో శతకాన్ని సాధించగా... కోహ్లీ 76 పరుగులు చేశాడు. ఈ క్రమంలో కోహ్లీ మరో ఘనతను సాధించాడు. టెస్ట్ మాచ్ లలో అత్యధిక పరుగులు చేసిన ఐదవ ఇండియన్ బ్యాట్స్ మెన్ గా అవతరించాడు. ఈ క్రమంలో డ్యాషింగ్ బ్యాట్స్ మెన్ వీరేంద్ర సెహ్వాగ్ ను వెనక్కి నెట్టి టాప్ 5 ఎలైట్ లిస్ట్ లో అడుగుపెట్టాడు.
కోహ్లీ ఇప్పటి వరకు టెస్టుల్లో 8,555 పరుగులు సాధించాడు. ఈ క్రమంలో అత్యధిక పరుగులు చేసిన బ్యాట్స్ మెన్ జాబితాలో సెహ్వాగ్ (8,503)ను వెనక్కి నెట్టేశాడు. అత్యధిక పరుగుల జాబితాలో కోహ్లీ కంటే ముందు సచిన్ టెండూల్కర్ (15,921), రాహుల్ ద్రావిడ్ (13,265), సునీల్ గవాస్కర్ (10,122), వీవీఎస్ లక్ష్మణ్ (8,781) ఉన్నారు.
