ధోనీ మోకాలికి గాయం.. ప్రత్యేక సాధన చేస్తున్నాడు: స్టీఫెన్ ఫ్లెమింగ్
- ధోనీ వికెట్ల మధ్య అంతగా పరుగెత్తలేడన్న ఫ్లెమింగ్
- అందుకే చివరి ఓవర్లపైనే దృష్టి సారిస్తున్నాడని వెల్లడి
- బంతిని బలంగా బాదేందుకు ప్రత్యేక సాధన చేస్తున్నట్టు చెప్పిన చెన్నై కోచ్
‘‘ధోనీ అదే మాదిరిగా ఎక్కువ సేపు బ్యాట్ చేయలేడన్నది అతడికి తెలుసు. మోకాలి గాయంతో బాధపడుతున్నందున అతడు చివరి మూడు ఓవర్లపైనే దృష్టి పెడుతున్నాడు. ఓ ప్రత్యేక మార్గంలో శిక్షణ పొందుతున్నాడు. అతడి కంటే బ్యాట్ చేయడానికి ముందు చాలా మంది ఉన్నారు. అందులో చివరి ఓవర్లపైనే దృష్టి సారిస్తున్నాడు. వికెట్ల మధ్య అంతగా పరుగెత్తలేడు. అయినా కానీ ఎంతో కష్టపడుతున్నాడు. అందుకే చాలా బలంగా బంతిని కొట్టే విధంగా సాధన చేస్తున్నాడు. దానికి తగ్గ ఫలితాలను సైతం మీరు చూస్తున్నారు. అయినప్పటికీ, మైదానంలో ఆడేందుకు అతడు సౌకర్యంగానే ఉన్నాడు. అతడు ఎంత మంచి హిట్టరో మాకు తెలుసు’’ అని ఫ్లెమింగ్ ధోనీ సత్తా ఏంటో మరోసారి తన మాటల ద్వారా తెలియజేశాడు.
