Delhi Capitals: డబ్ల్యూపీఎల్ లో నేడు ఢిల్లీ క్యాపిటల్స్ తో యూపీ వారియర్స్ ఢీ
- ఇటీవల ప్రారంభమైన మహిళల ప్రీమియర్ లీగ్
- ఉత్సాహభరిత వాతావరణంలో కొనసాగుతున్న డబ్ల్యూపీఎల్
- టోర్నీలో చెరొక మ్యాచ్ గెలిచిన ఢిల్లీ, యూపీ
- నేటి మ్యాచ్ లో టాస్ గెలిచి బౌలింగ్ ఎంచుకున్న యూపీ
భారత్ లో ఐపీఎల్ తరహాలో మహిళా క్రికెటర్లతో నిర్వహిస్తున్న ఉమెన్స్ ప్రీమియర్ లీగ్ (డబ్ల్యూపీఎల్) రసవత్తరంగా సాగుతోంది. డబ్ల్యూపీఎల్ లో నేడు ఢిల్లీ క్యాపిటల్స్, యూపీ వారియర్స్ తలపడుతున్నాయి. ఈ మ్యాచ్ కు నవీ ముంబయిలోని డాక్టర్ డీవై పాటిల్ స్టేడియం వేదికగా నిలుస్తోంది. ఈ పోరులో టాస్ గెలిచిన యూపీ వారియర్స్ జట్టు బౌలింగ్ ఎంచుకుంది.
ఇరుజట్లలోనూ మ్యాచ్ విన్నర్లు ఉండడంతో సర్వత్రా ఆసక్తి నెలకొంది. టోర్నీలో ఇప్పటివరకు ఢిల్లీ క్యాపిటల్స్, యూపీ వారియర్స్ చెరొక మ్యాచ్ గెలిచి ఊపుమీదున్నాయి.
