Laksh Chadalavada: 'ధీర' నుంచి అధరం మధురం .. సాంగ్ రిలీజ్
- లక్ష్ చదలవాడ హీరోగా రూపొందుతున్న 'ధీర'
- చిత్రీకరణ పరంగా ముగింపు దశకి చేరుకున్న సినిమా
- దర్శకుడిగా పరిచయమవుతున్న విక్రాంత్ శ్రీనివాస్
- సంగీతాన్ని అందించిన సాయికార్తీక్
ఎన్నో పాటలు వస్తుంటాయి కానీ అందులో కొన్ని మాత్రమే సంగీత ప్రియుల మనసు దోచుకుంటూ సూపర్ హిట్ ట్రాక్ లో వెళ్తుంటాయి. అలాంటి టార్గెట్ పెట్టుకొని యంగ్ హీరో లక్ష్ చదలవాడ 'ధీర' మూవీ నుంచి, ఓ లిరికల్ సాంగ్ రిలీజ్ అయింది. 'అధరం మధురం.. వదనం మధురం .. నయనం మధురం' అంటూ యూత్ ఆడియన్స్‌ని ఆకట్టుకునే ట్యూన్ తో సాగిపోతున్న ఈ పాటలో ప్రతి దృశ్యం మనసును పట్టుకుంటుంది.
ప్రేయసి ఆలోచనలు .. ఆమె జ్ఞాపకాలతో ప్రియుడి గాఢమైన ప్రేమను వ్యక్తపరుస్తూ బాలాజీ రాసిన లిరిక్స్ సంగీత ప్రియుల మనసులను దోచుకుంటుంది. అనురాగ్ కులకర్ణి - శృతి ఆలాపన ఎంతో ఆకట్టుకుంటోంది. హీరో లక్ష్ చదలవాడ డాన్స్ ఈ పాటకు మేజర్ అసెట్ అని చెప్పుకోవచ్చు. లిరిక్స్‌కి తగ్గట్టుగా సాయికార్తీక్ కట్టిన బాణీలు ఈ సాంగ్ లెవల్ ను పెంచేశాయి. టోటల్ గా చూస్తే ఈ బ్యూటిఫుల్ లవ్ సాంగ్ తో 'ధీర' సినిమాపై అంచనాలు పెంచేశారు.
గతంలో 'వలయం' .. 'గ్యాంగ్‌స్టర్ గంగరాజు' సినిమాలతో సక్సెస్ అందుకున్న లక్ష్ చదలవాడ, ఇప్పుడు అదే జోష్ లో 'ధీర' సినిమాతో పలకరించనున్నాడు. విక్రాంత్ శ్రీనివాస్ దర్శకత్వంలో తెరకెక్కుతున్న ఈ సినిమాలో, నేహా పతన్ .. సోన్యా భన్సాల్ .. 'మిర్చి' కిరణ్ .. హిమజ .. భరణి శంకర్ తదితరులు ముఖ్యపాత్రలు పోషిస్తున్నారు. ప్రస్తుతం షూటింగ్ చివరి దశలో ఉందనీ, త్వరలోనే రిలీజ్ చేయనున్నామని మేకర్స్ తెలియజేశారు.
