మళ్లీ జిమ్ లో సందడి చేస్తున్న సమంత

మయోసైటిస్ వ్యాధితో తీవ్ర పోరాటం సాగించిన అందాల సమంత క్రమంగా కోలుకుంటున్నట్టు తెలుస్తోంది. తను పూర్వపు ఆరోగ్యం సంతరించుకుంటోంది అనేదానికి నిదర్శనంగా సమంత తాజాగా జిమ్ లో వర్కౌట్లు చేస్తూ కనిపించింది. మయోసైటిస్ బారినపడక ముందు సమంత నిత్యం జిమ్ లో వ్యాయామాలు చేస్తూ ఫిట్ గా ఉండేందుకు శ్రమించేది. స్లిమ్ గా ఉండేందుకు ఎంతో ప్రాధాన్యతనిచ్చేది. 

లేటెస్ట్ గా ఆమె విడుదల చేసిన వీడియో అభిమానులను ఎనలేని ఆనందానికి గురిచేస్తోంది. జిమ్ ఎక్విప్ మెంట్ ను ఉపయోగించుకుని సమంత భుజాలతో స్క్వాట్స్ చేస్తూ ఆ వీడియోలో కనిపించింది. కష్టంగా ఉందా... అయితే కష్టపడండి... ఎవరూ కూడా ఇది సులభం అని చెప్పరు అంటూ ఆ వీడియోపై సమంత స్పందించింది. కాగా, వర్కౌట్లు చేసే సమయంలో సమంత చేతికి సెలైన్ నీడిల్ తో కనిపించింది.