Rashmika Mandanna: నేరుగా ఓటీటీలో విడుదలవుతున్న రష్మిక సినిమా
- బాలీవుడ్ చిత్రం 'మిషన్ మజ్ను'లో నటించిన రష్మిక
- ఇప్పటికే పలుమార్లు విడుదల వాయిదా
- జనవరి 20న ఓటీటీలో విడుదల చేస్తున్నట్టు ప్రకటించిన మేకర్స్
దక్షిణాదిలో స్టార్ హీరోల సరసన నటిస్తూ దూసుకుపోతున్న రష్మిక... బాలీవుడ్ లో సైతం ఎంట్రీ ఇచ్చింది. 'మిషన్ మజ్ను' సినిమా ద్వారా బాలీవుడ్ లో అడుగుపెట్టింది. ఈ చిత్రంలో సిద్ధార్థ్ మల్హోత్రా సరసన రష్మిక నటించింది. ఈ సినిమా ఎప్పుడో పూర్తయినా విడుదల మాత్రం వాయిదా పడుతూ వస్తోంది. ఎట్టకేలకు ఇప్పుడు ప్రేక్షకుల ముందుకు వస్తోంది. జనవరి 20న నేరుగా ఓటీటీలో సినిమాను విడుదల చేయనున్నట్టు మేకర్స్ తెలిపారు.
ప్రముఖ ఓటీటీ సంస్థ నెట్ ఫ్లిక్స్ ఈ సినిమాను స్ట్రీమింగ్ చేయనుంది. 1970ల నాటి కథతో ఈ సినిమా తెరకెక్కింది. ఈ చిత్రంలో రా ఏజెంట్ గా సిద్ధార్ కనిపించనున్నాడు. శాంతను బగ్చీ ఈ చిత్రానికి దర్శకత్వం వహించారు. గరిమా మెహతా, అమర్ బుటాలా, రోనీ స్క్రూవాలా ఈ చిత్రాన్ని నిర్మించారు.
