Buckingham Palace: క్వీన్ ఎలిజబెత్ కన్నుమూసినప్పుడు బకింగ్ హమ్ ప్యాలెస్ పై ఒకేసారి రెండు ఇంద్ర ధనస్సులు.. వీడియో ఇదిగో
- లండన్ లోని బకింగ్ హమ్ ప్యాలెస్ వద్ద పెద్ద సంఖ్యలో గుమిగూడిన అభిమానులు
- ఒకే సమయంలో రెండు ఇంద్ర ధనస్సులు ఏర్పడటంపై అందరిలో ఆసక్తి
- ఇది మహారాణికి ప్రకృతి అర్పించిన నివాళి అంటూ కామెంట్లు
బ్రిటీష్ మహారాణి క్వీన్ ఎలిజబెత్ 2 కన్నుమూయడంతో ఆ దేశంతో పాటు దానితో అనుబంధమున్న చాలా దేశాలు విషాదంలో మునిగిపోయాయి. ఆమె ఆరోగ్యం బాగోలేదన్న విషయం తెలియగానే చాలా మంది అభిమానులు లండన్ లోని బకింగ్ హమ్ ప్యాలెస్ వద్దకు చేరుకుని.. దేవుడిని ప్రార్థించడం మొదలుపెట్టారు. కొంతసేపటి తర్వాత ఎలిజబెత్ 2 చనిపోయినట్టుగా రాజ కుటుంబం ప్రకటించింది. అయితే ఈ సమయంలో బకింగ్ హమ్ ప్యాలెస్ వద్ద జరిగిన ఓ ఘటన అందరినీ ఆకర్షించింది.
రెండు రెయిన్ బోలతో..
- క్వీన్ ఎలిజబెత్ 2 కన్నుమూసిన సమయంలో బకింగ్ హమ్ ప్యాలెస్ వద్ద వాతావరణ పరిస్థితి చిత్రంగా ఉంది. అప్పటిదాకా వాన పడి కాస్త తెరిపి ఇవ్వగా.. ఓ వైపు ఎండ రాగా, అదే సమయంలో సన్నగా వాన కురుస్తూ ఉంది.
- అదే సమయంలో ఒకదానిపై ఒకటి రెండు ఇంద్ర ధనస్సులు ఏర్పడ్డాయి. బకింగ్ హమ్ ప్యాలెస్ వద్ద చేరినవారంతా ఇది చూసి ఆశ్చర్యపోయారు. దీనికి సంబంధించిన వీడియోలు, ఫొటోలు సోషల్ మీడియాలో వైరల్ గా మారాయి.
- ‘క్వీన్ ఎలిజబెత్ కు ప్రకృతి కూడా రెండు ఇంద్ర ధనస్సులతో ఘనంగా నివాళి అర్పించింది’ అంటూ చాలా మంది కామెంట్ చేస్తున్నారు. ఇంద్ర ధనస్సు వీడియోలను, ఫొటోలను షేర్ చేస్తున్నారు.
