Corona Virus: తెలంగాణలో బాగా తగ్గిన కరోనా వ్యాప్తి
- గత 24 గంటల్లో 12,934 కరోనా పరీక్షలు
- 159 మందికి పాజిటివ్
- హైదరాబాదులో 66 కొత్త కేసులు
- కరోనా నుంచి కోలుకున్న 298 మంది
- ఇంకా 1,406 మందికి పాజిటివ్
తెలంగాణలో గడచిన 24 గంటల్లో 12,934 కరోనా పరీక్షలు నిర్వహించగా, 159 పాజిటివ్ కేసులు నమోదయ్యాయి. హైదరాబాదులో 66, నల్గొండ జిల్లాలో 10, రంగారెడ్డి జిల్లాలో 8, మేడ్చల్ మల్కాజిగిరి జిల్లాలో 7 కేసులు వెల్లడయ్యాయి. మరో 403 మంది ఫలితాలు రావాల్సి ఉంది.
అదే సమయంలో 298 మంది కరోనా నుంచి కోలుకున్నారు. కొత్తగా ఎలాంటి మరణాలు నమోదు కాలేదు. తెలంగాణలో ఇప్పటివరకు 8,34,637 కరోనా పాజిటివ్ కేసులు నమోదు కాగా... 8,29,120 మంది ఆరోగ్యవంతులయ్యారు. ఇంకా 1,406 మంది చికిత్స పొందుతున్నారు. రాష్ట్రంలో కరోనాతో ఇప్పటిదాకా 4,111 మంది మృతి చెందారు.
